Qasigiannguit Katersugaasiviat ONLINE
Nunasiaateqarfik Christianshåb / Qasigiannguit
Qasigiannguit avannaani illoqarfiit pisoqaanersaraat. Nunasiaateqarfik siulleq Illukumi pilersinneqarpoq 1734-imi.
Kalaallit-nunaata Avannaani nunasiaateqarfinnik nutaanik pilersitsiortorneq niuvertumit Jakob Severin-imi ingerlanneqarpoq. Kunngi Christian arfernata ilaatigut suliaq manna aningaasalersugaraa, kiisalu Poul Egede, Hans Egedep ernera suliap ajoqersuiartortitsinertaanik ingerlatsivoq.
Umiarsuit pingasut taqussanik illuliornissamilu atortussanik usisut aallartinneqarput.
Poul Egede-lu peqataasoq ima allappoq:
”Umiarsuup naalagaata niuvertullu illoqarfiliorfissaqissumik toqqaareernerisigut umiarsuit ingerlaqatigisagut marluk peqatigalugit Viire Bay-imut umiarsualivissippugut illuliassarput ikkussoriaannaq nassataralugu. Aqaguani piaartumik usingiarluta aallartippugut illuliassarlu nunaliaallugu. Tikinnitsinniit ullut arfineq-pingasut qaangiuttut, sapaataasoq, illuliatsinni naalagiartitseqqaarpunga, illulu Christianshåb-imik atserneqarpoq.”
Viira Bay Pukkitsormiut immap assiutaanni nalunaarsoqqavoq
Immap assigi Det konglige bibliotekip katersaani takuneqarsinnaapput
Tassani siumugassaapput Pukkitsormiut immap assiliaataat Kalaallit Nunaanneersut