Aaaskkut atuanngifimmi meqqanut sammisassat
Pisussat maani takuukkit:
sap. ak. 29 PINNGORTITAQ
sap. ak. 30 KULTURI PINNGUARNERLU
Atuartitsinermut tulluussakkamik meeqqanut paasisitsiniaaneq
Klassinik atuartunillu pulaartoqartarneq
Qasigiannguit Katersugaasiviat immikkut atruartunut naleqquttuliaateqanngilaq. Tassunga taarsiullugu ilinniartitsisoq
attavigineqartarpoq takusaanissaat meeqqanut tulluussarniarlugu.
Suleqatigiinneq imaassinnaavoq:
- immikkut ittumik aaqqissukkamik pulaarluni angallanneqarneq
- Immikkut piareersakkamik misissuinissartalerlugu paasiniaanissaq
- atuartunik immikkut suliaqarniartunik naapitsineq
Taamaattumik Katersugaasivik siusinaartumik tamatuminnga ilisimatiguk
Siulinit kingornussat piunnguarnikkut misigikkit
Katersugaasivik immikkut ittumik meeqqanut saaffiginneriaaseqarpoq pingaartumik pinnguarnikkut kultoritoqqamik sammisaqartitsissalluni, pinngussanik qisunnik atukkiussissalluni,
amiminernik oqaloqatigiissutigineqarsinnaasunik meeqqanut mikisunut naleqquutnik periuseqarpoq.
Kulturikkut kingornussat qasujaallisarnikkut timersornikkullu.
Katersugaasivik Nunaqarfik Uumassusilik aqqutigalugu neqeroorutigaa nutaalianik atortoqarluni
pisissaarneq. Oktoberimit martsimut pisissaarneq timersortarfimmi ingerlanneqartarpoq majimillu august ilanngullugu Katersugaasiviup eqqaani pisissaarfiliami.
Aasaanerani qajartorneq neqeroorutigineqartarpoq- allunaariaqattaarfimmi eqaallisarnerit sissamilu qajartornerit.
Meeqqat pisissaarnermi qajartornermilu angajoqqaavisa akuersillutik atsiorneri piumasarineqartarput.
Meeqqat Katersugaasiviat
Aasakkut ukiassakkullu atuartut atuanngiffianni Katersugaasivik meeqqanut neqerooruteqartar-poq.
Ulluunerani meeqqanut tulluuttunik suliassaqartitsiffiusarpoq.
Nunaqarfik Uumassusillup ataani sapaatip akunnikkuutaartumik meeqqanut unnulaaq periarfis-
saqartitsisarpoq sannavimmi okt./jun. iluani suliassaqartitsisarluni aasakkut silamiittalernermi atugassanik sanallutik.
Meeqqanut angajoqqaavinullu
Meeraaqqanik katersugaasivimmiititsineq ilungersunalaartuuvoq; taamaattumik Katersugaasiviup
tamanna sillimaffigalugu teqeqqut ilaanni immikkut meeqqanut angajoqqaavinullu aaqqissuussisimapput pinngussanik oqaloqatigiissutigineqarsinnaasunik inissiillutik. Katersugaasiviup saqqummersitsiviisa ilaanni aamma meeqqanit attuuallugit ilinniarfiusinnaasunik aaqqissuussisimavoq.