Illunnguaq ujaqqanik issunillu qarmalik

Katersugaasiviup issunik ujaqqanillu illuutaa qanga illulioriaaseq issuarlugu sanaajuvoq.

Illunnnguaq 1990-ikkunni inuusuttunit utoqqarnik illoqarfimmiunit ikiorteqarlutik sanaarivaat.

Illunnguaq suliarineqarpoq issunik ujaqqanillu ilualu qisuulluni qanga ilisimasat malillugit.

Illu isaariaqarpoq qalialu manissuulluni.

Illunnguaq Katersugaasivimmut atasussanngortitaavoq 1977-imi kulturikkut sapaatip akunnisiornermut atatillugu.

Iluata pisatsersorneqarnerata takutippaa kalaallit angerlarsimaffiat sorsunnersuupkingulliup siornatigut piusutut- qisuttortakkamik kissarsuuteqarluni illeqarlunilu.

Illunnguup pisatai qanganisaasutut sanaajupput. Kissarsuuutitoqaq aamaruutissanik qisullugu ikumatinneqarsinnaavoq.

Illermi qipiit sinngusillu nutaaliaapput qangatut qalipaateqarlutik.

Illunnguup eqqaa issunik qaleriissanik pilersorneqarsimavoq, pujoorivik meeqqallu qajaat ujaqqanik sanaajulluni.

Illunnguaq inissisimalluarpoq illoqarfiup avataatungaani pilerinartuullunilu misigisassarsiortunit atorneqarnissaminut,  soorlu suliffeqarfinnit ,peqatigiiffinnit inuinnarnillu asiarfittut.