UKIUKKUT
Nunaqarfik Uumassusiliup aasaanerani silami pisussat ataavartumik misissortarpai, sannavimmi suliaqarluni
aammalu ukiup ingerlanerani ilinniartinneqarnissamik neqerooruteqarluni-pilersaarutit Qasigiannguani Katersugaasivimmut aaneqarsinnaapput.
Majip aallaqqaataata tungaanut illup iluani pisissaarnermik ataasinngornikkut unnukkut neqeroorutigineqartarpoq, marlunngornikkut unnukkut sannavimmi assassugassat kiisalu pingasunngornikkut unnukkut meeqqanut sannavimmi suliaqartitsisoqartarpoq.
Majimit pisissaarneq silami ingerlanneqartarpoq B-18-ip eqqaani.
Junimit marlunngornikkut unnukkut qajartornissamut piareersaatit qajartuarnerillu neqeroorutigineqartarput – soorunalimi sissaq sikunik ajornartorsiorfiussannngippat.
AASAKKUT
Ataasinngornikkut 19.00-21.00 pisissaarneq misilissinnaavat
Katersugaasivik B-18-ip eqqaani pisissaarfissamik piareersissaq.
Pisissit atugassat nutaaliaapput umerfeqanngitsut
Peqataasut Katersugaasiviup toqqissisimanermut maleruaqqusai malissavaat.
Peqataaneq nammineq akisussaaffigineqassaaq.
Meeqqat angajoqqaat/akisussaasut akuersissutaat atsiornilik nassassavaat
Marlunngornikkut 19.00-21.00 qajartorneq misilissinnaavat
Katersugaasiviup qajarissat marluk Qinngunnguit sissaani piareersimatissavai.
Peqataasussat Katersugaasiviup peqataaniarnermi maleruagassat piumasai malissavaat.
Peqataaneq peqataasup akisussaaffigaa.
Meeqqat angajoqqaat/akisussaasut peqataanissamut akuersissutaat nassassavaat
Marlunngornikkut 19.00 – 21.00 sannavimmi B-18-imi suliaqarsinnaavutit
Qanga atisat ammit sakkullu assilillugit suliaqaqataasinnaavutit aammalu pioreersut iluarsartuunneranni
suleqataalluarsinnaavutit.
Pingaartumik aamma pisissitoqqanik atiasanillu piniutinik suliaqarsinnaavutit.
Pingasunngorneq 19.00-20.30 meeqqat sannavimmi B-18-imi suliaqarsinnaapput.
Aasakkut piviusuusaartitsinissamut piareersaqataasinnaavutit.
Pingaartumik atiasat ilaannut pisariinnerunut, erinarsuutinut, pinnguarnernut pinngussiarnernullu peqaasinnaavutit.