Qasigiannguit Katersugaasiviata illutaa amerlanerit nunasiaataanerup nalaaneersuupput.
Illorsuit marluk illoqarfiup tunngavilerneqarnerata nalaaneersuupput europamiullu qanga illulioriaasiat malillugu sanaajullutik Nunatsinni pisoqaanernut ilaallutik.
Illorsuit taakku allami sanaajupput maanilu aatsaat napparneqarlutik. Qisuit taamanernisat ilaat
nutaanerusunik illuliulernermi iluaqutaallutik atorneqarput.
Illorsuit B-4 aamma B-3 1730-kunni 1750-ikkunneersuupput. Tamarmik taamanikkut illulioriaaseq aallaavigalugu sanaajupput – tuussaassiakullassuit- Nunatsinnullu tikimmata normulersorneqarneri malillugit ikkussuunneqarlutik.
B-4-ra norgemiut illulioriaasiat malippaa B-3-lu qallunaat illulioriaasiattut sanaajulluni.
Illorsuit pingajuat B-8 tuussassiatoqqanik ilaatigut sanaajuvoq nutaanerusunik naammaqqusersugaalluni.
Sannaveqarfik B-18 aamma qangatut illulioriaaseq naapertorlugu sanaajuvoq avannamullu iigaa qisunnik orsuusersukkanik sanaajulluni.
Kalaallit illulioriaasiat nutaaneq malillugu B-186 sananeqarpoq, pingaartumik qaliaqalernera nutaanut
malinnaareruvoq, kiisalu Katersugaasiviup illuikkiaa qisunnik iigalik qaavatigut issunik ujaqqanillu qalligaq
nalasumillu qilaalik.